TEMPO MATO
El tempo el va in amor: adesso piove
e po' torna a far ciaro e piove ancora,
ma quando la finisselo in malora
sto tempo el ghe ne fa propio de nove.
Xe caldo adesso, e pena se se move
se se sente el suor che ne vien fora;
po', torna el vento e i grìssoli, e gnancora,
oimè, no l'è finìa, corpo de Giove!
I veri, ancuo, go verto più de sento
volte, credendo che vegnisse el sol,
ma l'à fato bao-sete e l'è andà drento.
Cussì i morosi: tanti basi geri;
ancuo, dispeti quanti che ti vol
e, miga un zorno, ma per ani interi!
"Papà Goldoni" n. 20 del 13-14 maggio 1893
.jpg)
