NIVES CASABURO

(1950)


DO SCHEETI...

Madona... de sto giro mio fio gà consumà le scarpete
e adesso… cossa se mete?
Sarà ben che fassa do ore de scae
che cora de corsa… me meto el sciae.
Siora Giana gala bisogno de lavoro?
Ghe lavo le tende, i nisioi,
i gà bisogno i me fioi.
So stanca… so stanca de lotar sta vita
ma adesso dovarìa averla finita…
El più grando andarà a lavorare,
pescar el pesse co so pare.
El median, a dar un agiuto al piovan
e el picenin co ghe gavarò comprà le scarpete
da Toni a giustar biciclete
Siora Giana, va tuto ben, gò finìo!
Ora vado da mio fio.
Grassie par i do schei.
Ora ghe togo i socoeti più bei.


Nives Casaburo, “Poesie di Nives – Quinto”