LA MIA ÇITÀ
La mia çità xe nata da l’acqua,
el mar la spenze, la tormenta,
le gran dighe dei nostri pari
stento ghe fa da barriera.
Secoli de gloria la ga basada,
la me çità xe stada un forte stato naval,
i so confini gera enormi,
temùa, invidiàda, rispetada,
sto logorìo la ga rovinada.
La me çità, dai marmi fiorii,
co palassi da miracolo,
da le cali strete, da le fondamente,
tuto par sospeso da l’acqua;
la sta isolada in disparte
unica, dal resto del mondo.
La me çità, se el mar volesse,
spenzendo un fià più el cressente,
restarìa solo el so ricordo
e le rovine de na gran çiviltà.
Dall’autore stesso.
Venezia in trono
Frontespizio del libro "Origine delle feste veneziane" di Giustina Renier Michiel, 1829
.jpg)
