TIZIANA TURCHETTO

(1951)


NA FADIGA

No ve digo che fadiga
tuti i zorni far la figa.
La matina su le sete
meterse a posto le tete
speciandose in tinelo
par no perder el bateo.

Al lavoro la xe na lota
tuti te darìa na bota
e i te rompe anca le bae
par quee do tre petenae
che ti scamparessi via
a ciapar na filovia.

Là i te varda de scondon
e ti ga sodisfazion.
Cossa vustu che te diga,
mi me piase far la figa.


Tiziana Turchetto, "Na fadiga", Editoria Universitaria, 2008