MATRIMONIO A LA MODA
“Marideve in bon’ora”. “Oh, no la fasso
mi sta mincionarìa”.
“Pur, gavarìa un partìo”. “Mi ve lo lasso”.
“Pian, pian, ch’el poderìa
forsi anca comodarve”. “A mi no çerto”.
“Disiset’ani”. “Bona!”
“Spirito pien de brio”. “Oh, ciacolona!”
“D’una modestia rara”. “Scamofiosa!”
“De cuor tenero e dolçe”. “Una zelosa!”
“Bela come ze un anzolo”. “Mincioni!
Al’erta dai mosconi!”
“De sangue”. “Pretension e albasìa!”
“Talenti uniçi al mondo”. “Oh, sti talenti,
questi me secarìa…”
“E po’, in ultimo logo,
trentamila ducati un sora l’altro!”
“Sior sì, sior sì, che per muger la togo!”
Guido A. Quarti, “Quattro secoli di vita veneziana nella storia nell’arte e nella poesia”, Volume secondo, Editore Enrico Guardoni, 1941
Ettore Tito
La fa la modela
.jpg)
