LA RITROSÌA
Voleu saver perché, Cate careta,
tanto me de’ in tel genio, e me piase?
Oh ve lo dirò mi, se nol savè:
sol perché savè far la ritroseta.
Quel mostrarve modesta e sdegnoseta,
quel sprezzar quel che forse più bramè,
quel saver dir: “Sfazzà, no me tochè”.
Cosse tute le xe che assae me aleta.
Se una puta vanzar vol qualche cosa
sora un bon zovenoto inamorà,
no ghe xe megio che far la ritrosa;
Ma quando po che a sguazzo la se trà,
né sa, né vol far la vergognosa,
zo dei calcagni al moroso la va.
Questa xe la verità:
la vostra mercanzia no val un bezzo,
ma col negarla la fè star in prezzo.
“Collezione delle migliori opere scritte in dialetto veneziano. Volume dodicesimo: poesie di autori diversi”, Alvisopoli, 1817
.jpg)
