CAMPO SAN POLO
So vecio, so stanco de vivar qua,
me fermo nel campo, me sento vardar:
el xe pien de putèi,
de sighi, de sol,
e mi so vecio
e so stanco de vivar qua.
Me riva el balon sui stinchi,
i putei i core da mi,
no, no i core da mi,
i vol solo torse el balon
ma uno me varda
me ride
me dise “ciao nono”
e mi so vecio, so stanco,
ma vogio vivar qua.
Paolo E. Balboni, “La zogia cascada e sei poesie veneziane”, La stamperia di Venezia Editrice, 1977
.jpg)
