ARRIGO VIANELLO

(?-1982)


EL PRESEPIO

El Presepio, se sa, xe una capana
fata de tole, pagia e un fià de fien,
co dei ciareti in alto, na fontana,
fato co cura perché’l vegna ben.

In mezo ghe xe tante figurete:
la Madona, el Bambin che fa: uà!
Sant’Isepo, i tre Re, le piegorete,
un bel musseto e un bò che supia el fià.

Che bel quadreto, quanta poesia
fata de gnente e pur cussì sentìa
da quando i veci la ga tramandada.

El Presepio no xe che la Famegia
streta atorno a na cuna mal ciapada
ma più dolçe e serena de na regia.


“El Novo Burchielo” n.2, Febbraio 1992