FABIO DAL CIN

(1961)


CONTESSA SBORONI

Gran Signora, bela dona
dai mile segreti
chissà se ti te gà mai confessà
davanti ai preti.

Bramada da un milion de òmeni
e unico desiderio mio
parona dei me sogni sporchi
de quando gero fio.

Mi te spiavo passar in calle
te despogiavo co i òci
ti gnanca ti me vardavi
el me cuor cascava a tochi.

Ma quelo che me fazeva più mal
gera le storie che de ti se contava
amante de fogo, ne le ore de'l zorno
mugier de note, co'l Conte beco tornava.

Adesso che trenta ani ze passai
lassandote un corpo vecio
ti ze ti che ti me brami
da drio i to òciai a specio.

No te resta che farte vardar
da veci bavosi o barboni
no ti compri più nissuni
vecia Contessa Sboroni.


dal sito dell'autore http://www.fabiodalcin.it/