FEDERICO FONTANELLA

(1930)


EPIGRAMA

No sta farghene un drama,
te dise l’epigrama:
aceta la realtà,
quel che xe stà, xe andà.

E quando che el caveo
tuto quanto el se imbianca,
piutosto in ostaria
spendi la to palanca.

Perciò, co ti xe vecio,
prima de far el mona
co qualche bela dona,
vardite ben in specio.

***

So ‘na barca sfassada
che a ‘na riva in malora
xe stada abandonada.

I so traguardi estremi
tenta la stanca prora.
Bondì, svoli de remi!

Amor, dame ‘na man!
Se ti me agiuti, ancora
navigarò pian, pian.


Dall'autore stesso.