MAFFIO VENIER

(1550-1586)


BELEZZA DE DONNA

Certi cavei rizzoti inanelai,
negri come un velùo negro de pele,
ornamento d’un viso cussì belo,
co se possa a sto mondo veder mai.

Un pèr d’occhi assassini che fa assai
chi scampa via senza lassar del pelo,
denti po’, lavri e bocca e tutto quelo
che puol far desmissiar indormenzai.

Ma quel che avanza el resto è certa gola
che su la fede mia da quel che son
la val un pezzo d’oro quela sola.

E vita, e drappi, e disposition,
e gratia in ogni gesto, ogni parola,
che fa stimar un savio Salamon,

no m’habiè per minchion,
che voi pì presto un sguardo de custìa,
che’l gran tesoro de la Signoria…


Maffio Venier, “Rime Venetiane del Clarissimo Sig. Maffio Venier”, 1617