GIACOMO NOVENTA

(1898-1960)


ANCA ‘STO AMOR…

Anca ‘sto amor,
bevùo.
La scominzia a ripeterse, a lassarse
studiar come un libro.
Le so pagine bianche xe ormai scrite,
e forse mi
go dità le parole.
Dunque mai vegnarà quela che çerco,
o xela ancora là, senza saverlo,
nel me tempo passà?
Ingiusti Dii!
Su ‘sto altar de l’amor mi go lassà
la mare e el pare,
e’l gran ben d’un amigo, e la fortuna,
e la gloria fra i omeni.
Megio, Dii, sarìa sta no darve gnente.
Forse l’amor no xe par chi abandona
la mare e el pare,
e’l gran ben d’un amigo, e la fortuna,
e la gloria fra i omeni.
Sarìa sta forse megio andar ridendo
verso i lavri zà oferti.
No creder i gavesse altro valor
se no quel che i se dava.
Ma mi go brusà tuto su ‘sto altar.


Giacomo Noventa, “Versi e poesie”, a cura di Franco Manfriani, Marsilio, 1986