(Padre) UMBERTO BERTOLA

(1951)


FANTASIA

Me meto un per de ociali
no par veder tanti mali,
ma per andar via co la fantasia
e scoverzer el ben andà via.

Meter un fior su un canon,
darse la man col viso bon,
portarghe a un vecio la sporta,
serarghe i oci a un’un anema morta.

Robe che par d’altro mondo.
Viver cussì la vita fin in fondo.
No aver paura de far de più,
butarse fora e vardar su.

Verzer el cuor a un poareto,
incantarse davanti a un vecieto,
baterghe la spala e scoltar
quel’anema che brama de no più tremar.

Sarìa belo far el zirotondo
co tuti i omeni de sto mondo.
“Volemose tanto ben” dise la canzon:
stemo tenti de no tirar el bidon!


Don Umberto e Gianluigi Bertola, “Fregole e angoleti”, 1994