TODERO VIO SCOTTI

VERSIONE

Con un baso ti te stua,
cara cocola el me fogo…
Tiolo pur son tuta tua
ma mi bruso come un rogo,
se ti un altro non me dà.
Tiolo ciò; ma tasi sa.

No, tesoro del mio cuor,
non se calma el mio tormento:
I to basi ga un savor…
Ciò ten dago ancora cento;
Xestu sazio, mie raize?
Più de prima el cuor me frize.

Ciapa, tolghene un mier!
Te sarali po abastanza?
No, ti sa che son sincier;
Mi de basi me n’avanza…
Quel che vogio te dirò…
Tasi, mostro, che lo so!


Todero Vio Scotti, “Versi in lingua ed in vernacolo”, Tip. M. Visentini, 1881